Суол сабыылаах кэмигэр кыһалҕалаах дьоҥҥо хааччаҕы үөскэппэт курдук аэробот, хивус курдук муус үрдүнэн сылдьар техникалар үлэлииллэр диэн улуус дьаһалтата иһитиннэрэр. Техникалар күннэтэ үлэлииргэ бэлэм тураллар.
Өрүскэ сыл ахсын буоларын курдук, айанньыттар чараас мууска сэрэхтээх буолалларын курдук дьуһуурустуба олохтонон Гимс, МЧС, ГАИ курдук анал сулууспалар уонна улуус административнай хамыыһыйата кэтииллэр. Санатан эттэххэ, быраабы кэһии таҕыстаҕына буруйдаахтар административнай эппиэккэ тардыллыахтарын сөп.
Биллэн турар Дьокуускай, Миирнэй хайысхаларынан икки өттүттэн хаайтарыылаах дьон үгүс кыһалҕалары көрсөбүт. Маныаха быйыл Бүлүү Эбэ хаһан устуоҕай?
Гидромед сулууспа иһитиннэрэринэн быйыл дьыл эрдэлээн иһэр. Онон Бүлүү Эбэ Сунтаар аннынан ыам ыйын 9-11 күннэригэр хамсыаҕа диэн сабаҕалыыллар. Хаар хаһааҥҥытааҕар да элбэх буолан өрүс харыыта суох устуоҕа, ол эрээри намыһах сытар нэһилиэктэргэ уу киирэр кутталлаах. Маныаха, улуус ыксаллаах быһыыга-майгыга хамыыһыйата бэлэмнэнии, сэрэтии үлэтин ыытар.
There is no ads to display, Please add some
